Trátase dun novo certame co que a Feira Internacional de Galicia ABANCA quere dar resposta ás necesidades e retos dos municipios e entidades territoriais ante o actual escenario social, o cal esixe cidades máis sostibles, eficientes, accesibles, seguras e verdes, ademais do cumprimento da Axenda 2030.

Así, convértese nunha cita esencial para que as Administracións Locais coñezan todas as solucións que as empresas ofrecen para satisfacer as necesidades dos seus cidadáns e contribuír á súa calidade de vida. Ademais, será un foro de reflexión e debate sobre temas de máxima actualidade no ámbito da xestión municipal.

Todo iso co valor engadido de celebrarse de forma paralela a Enerxétika 2024, unha feira que volverá ser referente no sector enerxético na súa cuarta edición e coa que se crearán interesantes sinerxías.